وَمَنْ أَحْسَنُ قَوْلًۭا مِّمَّن دَعَآ إِلَى ٱللَّهِ وَعَمِلَ صَـٰلِحًۭا وَقَالَ إِنَّنِى مِنَ ٱلْمُسْلِمِينَ

جامعہ تعلیمات اسلامیہ کی تاسیس1957ء میں ایک غیر روایتی دینی مدرسے کے طور پر کی گئی ۔ اس کے بانی معزز دینی راہنما ، مفکر اسلام ، ممتاز قومی وملی قائد جناب مولانا حکیم عبدالرحیم اشرف تھے جو ہر قسم کے فرقہ وارانہ اختلافات اور تعصبات سے بالا تر رہتے ہوئے ملت واحدہ کے تصور کے علمبردار تھے ۔ یہی تصور اس جامع ملی منصوبے کی بنیاد بنا اوراسی پر کار بند رہنا جامعہ تعلیمات اسلامیہ کا منہج ہے ۔ اس ادارے کا ہدف اسلامی تعلیمات کی روشنی میں عصری ودینی علوم کے حسین امتزاج کی حامل ایسی نسل کی تیاری ہے جو جدید زمانے کے علمی ، عملی، نظریاتی اور تہذیبی مسائل کو حل کرنے اورعصر حاضر کے چیلنجوں سے نمٹنے کی اہلیت رکھتی ہو۔ ایسی نسل جو اعتقادی پختگی ، علمی ثقاہت ، اعلیٰ کردار ، اور سلف صالحین کی روایات کی امین ہو ۔